¶ Of the Thre Men That Chose the Woman. XXXVII
¶ Thre gentylmen cam into an Inne, where a fayre woman was tapster: wherfore, as these thre satte there makynge mery, eche of them kyssed her, and made good pastyme and plesure. Howbeit one spake merley68 and sayde: I can not se how this gentylwoman is able to make pastyme and pleasure to vs all thre excepte that she were departed in thre partes. By my trouthe, quod one of them, yf that she myght be departed, than I wolde chuse for my parte her hed and her fayre face, that I myghte alway kysse her. Than quod the seconde: I wolde haue the breste and harte: for there lyeth her loue. Than quod the thyrd: then ther is nothyng left for me but the loynys, buttockes and legges; I am contente to haue it for my parte. And whan these gentylmen had passed the tyme there by the space of one hour or ii, they toke theyr leue and were goynge awaye; but, or the went, the thyrd man whych had chosen the bely and the buttockys did kys the tapyster and bad her farewell. What! quod the fyrste man that had chosen the face and the mouth, why dost thou so? thou dost me wronge to kysse my parte that I haue chosen of her. O! quod the other, I pray the be nat angry: for I am contente that thou shal kys my parte for it.