¶ of Scipio Nasica and Ennius the Poete. CXII297
¶ Whan Scipio Nasica came on a tyme to speake with Ennius the Poete, he asked his mayde at the dore, if he were within; and she sayde, he was not at home. But Nasica perceyued, that her mayster badde her say so, and that he was within; but, for that tyme dissemblynge the matter, he wente his waye. Within a fewe dayes after, Ennius came to Nasica, and knockynge at the dore, asked if he were within. Nasica hym selfe spake oute a loude and sayd, he was not at home. Than sayde Ennius: what, manne, thynke you that I knowe not your voyce? Wherevnto Nasica aunsweredde and sayde: what a dishoneste man be you? Whan I sought you, I beleued your mayde, that sayde ye were not at home, and ye wyll not beleue me myn owne selfe.