¶ Of Him That Dreamed He Fonde Golde. XXVIII
¶ There was a man, that sayde in company vpon a tyme, howe he dreamed on a nyghte, that the deuyll ledde him in to a felde to dygge for golde. Whan he had founde the golde, the deuyll sayde: Thou canste not carye hit a waye nowe, but marke the place, that thou mayste fetche hit an other tyme. What marke shall I make, quod the man? S**** ouer hit, quod the deuyl: for that shall cause euery man to shonne the place, and for the hit shall be a speciall knowlege. The man was contente, and dyd so. So whan he awaked oute of his slepe, he parceyued, that he had foule defyled his bedde. Thus betwene stynke and dyrte vp he rose, and made him redy to go forth: and laste of all he put on his bonette, wherin also the same nighte the catte hadde s***; For great stinke wherof he threwe away his couer knaue,186 and was fayne to wasshe his busshe.187 Thus his golden dreame tournedde all to dyrte.188
Tibullus sayth: Dreames in the nyght begylen, and cause fearefull myndes to drede thynges that neuer shalbe. But yet Claudian sayeth: Dreames in sondrye wyse fygured gyueth warnynge of vnluckye thynges. And Valerius Maximus wryteth that, as Hamylcar besiged the cyte of Syracuse, he dreamed, that he harde a voyce saye, that he the nexte daye shulde suppe with in the cyte. Wherfore he was ioyfull, as thoughe the victorye from heuen had ben to him promised. And so [he] apparayled his hooste to assaute the towne: in whiche assaute he chaunced to be taken in his lodgynge by them of the cyte, and so bounden lyke a prysoner, they ledde hym in to theyr cite. Thus he more disceyued by hope, than by his dreme, supped that nyghte within the citie as a prisoner, and nat as a conquerour, as he presumed in his mynde. Alcibiades also hadde a certayne vision in the nyghte of his miserable ende.
This tale sheweth that dreames sometyme come to passe by one meane or other. And he that desyreth to knowe more of dreames wrytten in our englysshe tonge, let hym rede the tale of the nounnes preste, that G. Chauser wrote: and for the skeles howe dreames and sweuens189 are caused, the begynnynge of the Boke of Fame, the whiche the sayde Chauser compiled with many an other matter full of wysedome.