I Mœso-Gothic
Mark, Chap. 1.
1. 2. Anastodeins aivaggeljons ïesuis xristaus sunaus guþs. sve gameliþ ïst ïn esaï in praufetau. sai. ïk ïnsandja aggilu meinana
faura þus. saei gamanveiþ vig þeinana faura þus. stibna vopjandins
3. ïn auþidai. manveiþ vig fraujins. raihtos vaurkeiþ
4. staigos guþs unsaris. vas ïohannes daupjands ïn auþidai jah
5. merjands daupein ïdreigos du aflageinai fravaurhte. jah usïddjedun du ïmma all ïudaialand jah ïairusaulymeis jah daupidai
vesun allai ïn ïaurdane awai fram ïmma andhaitandans fravaurhtim
6. seinaim. vasuþ-þan ïohannes gavasiþs taglam ulbandaus
jah gairda filleina bi hup seinana jah matida þramsteins
7. jah miliþ haiþivisk jah merida qiþands. qimiþ svinþoza mis sa afar mis. þizei ïk ni ïm vairþs anahneivands andbindan skaudaraip
8. skohe is. aþþan ïk daupja ïzvis ïn vatin. ïþ ïs daupeiþ ïzvis
9. ïn ahmin veihamma. jah varþ ïn jainaim dagam. qam
ïesus fram nazaraiþ galeilaias jah daupiþs vas fram ïohanne ïn
10. ïaurdane. jah suns usgaggands us þamma vatin gasaw usluknans
11. himinans jah ahman sve ahak atgaggandan ana ïna. jah stibna qam us himinam. þu ïs sunus meins sa liuba. ïn þuzei
12. vaila galeikaida. jah suns sai. ahma ïna ustauh ïn auþida.
13. jah vas in þizai auþidai dage fidvortiguns fraisans fram satanin
14. jah vas miþ diuzam jah aggileis andbahtidedun ïmma. ïp afar
þatei atgibans varþ ïohannes. qam ïesus ïn galeilaia merjands
15. aivaggeljon þiudangardjos guþs qiþands þatei usfullnoda þata mel jah atnewida sik þiudangardi guþs. ïdreigoþ jah galaubeiþ
16. ïn aivaggeljon. jah warbonds faur marein galeilaias gasaw seimonu jah andraian broþar ïs. þis seimonis. vairpandans
17. nati ïn marein. vesun auk fiskjans. jah qaþ ïm ïesus. hirjats
18. afar mis jah gatauja ïgqis vairþan nutans manne. jah suns
19. affetandans þo natja seina laistidedun afar ïmma. jah jainþro
ïnngaggands framis leitil gasaw ïakobu þana zaibaidaiaus jah
20. ïohanne broþar ïs jah þans ïn skipa manvjandans natja. jah suns haihait ïns jah affetandans attan seinana zaibaidaiu ïn þamma
skipa miþ asnjam galiþun afar ïmma jah galiþun ïn kafarnaum.
21. jah suns sabbato daga galeiþands ïn synagogen laisida
22. ïns jah usfilmans vaurþun ana þizai laiseinai ïs. unte vas laisjands
23. ïns sve valdufni habands jah ni svasve þai bokarjos. jah vas ïn þizai synagogen ïze manna ïn unhrainjamma ahmin jah
24. ufhropida qiþands. fralet. wa uns jah þus ïesu nazorenai.
qamt fraqistjan uns. kann þuk was þu ïs. sa veiha guþs.
25. jah andbait ïna ïesus qiþands. þahai jah usgagg ut us þamma.
26. ahma unhrainja. jah tahida ïna ahma sa unhrainja jah hropjands
27. stibnai mikilai usïddja us ïmma. jah afslauþnodedun allai sildaleikjandans. svaei sokidedun miþ sis misso qiþandans.
wa sijai þata. wo so laiseino so niujo. ei miþ valdufnja jah ahmam þaim unhrainjam anabiudiþ jah ufhausjand ïmma.
28. usïddja þan meriþa ïs suns and allans bisitands galeilaias.
29. jah suns us þizai synagogen usgaggandans qemun ïn garda seimonis
30. jah andraiïns miþ ïokobau jah ïohannem. ïþ svaihro
31. seimonis log ïn brinnon. jah suns qeþun ïmma bi ïja. jah duatgaggands urraisida þo undgreipands handu ïzos. jah affailot
32. þo so brinno suns jah andbahtida ïm. andanahtja þan vaurþanamma.
þan gasaggq sauïl. berun du ïmma allans þans ubil
33. habandans jah unhulþons habandans. jah so baurgs alla garunnana
34. vas at daura. jah gahailida managans ubil habandans missaleikaim sauhtim jah unhulþons managos usvarp jah ni
35. fralailot rodjan þos unhulþons. unte kunþedun ïna. jah air uhtvon usstandans usïddja jah galaiþ ana auþjana staþ jah jainar
36. baþ. jah galaistans vaurþun ïmma seimon jah þai miþ
37. ïmma. jah bigitandans ïna qeþun du ïmma þatei allai þuk
38. sokjand. jah qaþ du ïm. gaggam du þaim bisunjane haimom
39. jah baurgim. ei jah jainar merjau. unte duþe qam. jah vas merjands ïn synagogim ïze and alla galeilaian jah unholþons
40. usvairpands. jah qam at ïmma þrutsfill habands bidjands
ïna jah knivam knussjands jah qiþands du ïmma þatei. jabai
41. vileis. magt mik gahrainjan. ïþ ïesus ïnfeinands ufrakjands handu seina attaitok ïmma jah qaþ ïmma. viljau. vairþ hrains.
42. jah biþe qaþ þata ïesus. suns þata þrutsfill affaiþ af ïmma jah
43. hrains varþ. jah gawotjands ïmma suns ussandida ïna jah qaþ
44. du ïmma. saiw ei mannhun ni qiþais vaiht ak gagg þuk silban ataugjan gudjin jah atbair fram gahraineinai peinai. þatei
45. anabauþ moses du veitvodiþai ïm. ïþ ïs usgaggands dugann merjan filu jah usqiþan þata vaurd. svasve ïs juþan ni mahta
andaugjo ïn baurg galeiþan ak uta ana auþjaim stadim vas.
jah ïddjedun du ïmma allaþro.