VIII Old Saxon
From the Text of A. Ypeij
Taalkundig Magazijn. P. 1, No. 1.—p. 54.
Psalm LIV.
2. Gehori got gebet min, in ne furuuir bida mina; thenke te mi in gehori mi.
3. Gidruouit bin an tilogon minro, in mistrot bin fan stimmon fiundes, in fan arbeide sundiges.
4. Uuanda geneigedon an mi unreht, in an abulge unsuoti uuaron mi.
5. Herta min gidruouit ist an mi, in forta duodis fiel ouir mi.
6. Forthta in biuonga quamon ouer mi, in bethecoda mi thuisternussi.
7. In ic quad “uuie sal geuan mi fetheron also duuon, in ic fliugon sal, in raston sal.”
8. Ecco! firroda ic fliende, inde bleif an eudi.
9. Ic sal beidan sin, thie behaldon mi deda fan luzzilheide geistis in fan geuuidere.
10. Bescurgi, herro, te deile tunga iro, uuanda ic gesag unriht in fluoc an burgi.
11. An dag in naht umbefangan sal sia ouir mura ira, unreht in arbeit an mitdon iro in unreht.
12. In ne te fuor fan straton iro prisma in losunga.
13. Uuanda of fiunt flukit mi, is tholodit geuuisso; in of thie thie hatoda mi, ouir mi mikila thing spreke, ic burge mi so mohti geburran, fan imo.
14. Thu geuuisso man einmuodigo, leido min in cundo min.
15. Thu samon mit mi suota nami muos, an huse gode giengon uuir mit geluni.
16. Cum dot ouir sia, in nithir stigin an hellon libbinda. Uuanda arheide an selethe iro, an mitdon ini.
17. Ic eft te gode riepo, in herro behielt mi.
18. An auont in an morgan in an mitdondage tellon sal ic, in kundon; in he gehoron sal.
19. Irlosin sal an frithe sela mina fan then, thia ginacont mi, uuanda under managon he uuas mit mi.
20. Gehorun sal got in ginetheron sal sia; thie ist er uueroldi.
21. Ne geuuisso ist ini uuihsil; in ne forchtedon got. Theneda hant sina an uuitherloni.