176 Bessie Bell and Mary Gray
I
O Bessie Bell and Mary Gray,
They war twa bonnie lasses;
They biggit1308 a bower on yon burn-brae,
And theekit1309 it o’er wi’ rashes.
II
They theekit it o’er wi’ rashes green,
They theekit it o’er wi’ heather;
But the pest cam frae the burrows-town,
And slew them baith thegither.
III
They thought to lye in Methven kirkyard,
Amang their noble kin;
But they maun lye in Stronach haugh1310,
To biek1311 forenent the sin1312.
IV
And Bessie Bell and Mary Gray,
They war twa bonnie lasses;
They biggit a bower on yon burn-brae,
And theekit it o’er wi’ rashes.
Footnotes
1308 biggit = built.
1309 theekit = thatched.
1310 haugh = water-mead.
1311 biek = bask.
1312 sin = sun.