XIV Christina, Duchess-Dowager of Lorraine, to Mary, Queen of England
April, 1555.
Madame: Je supplie Vtre Majtè me pardonner si je prends tant d’audace que d’escrire à icelle, mais tant d’honneur et de faveur que je recois de Vtre Majtè en est cause. Car je ne puis laisser d’avertir que le Capitaine de mon vaisseau qui me mène a si bien faict son devoyr, sans nul hasart, comme Vtre Majtè lui a faict commande, que je ne puis laisser d’en avertir Vtre Majtè et la supplier de l’avoyr en souvenance. Et puis j’assure Vtre Majtè, que je n’en ai reçu que d’entier bon service, et connaissant cela, n’ay su laisser de le recommander à Vtre Majtè et pensant que le Capitaine Bont vous fera entendre ce qui s’est passé à mon passage, je n’en ferai plus propos, si non de vous assurer combien je regrette de ne plus estre dans la prèsence de Vre Majtè et que je ne puis estre auprès d’icelle, pour luy pouvoir faire quelque service, pour la satisfaction que je me ferais a tant de mercis que j’ay reçu, dont je demeure sans espoir d’y satisfaire. Et cependant je supplie très humblement à Vre Majtè me tenir en sa bonne grâce, a la quelle humblement me recommande, et baisant ses mains, priant Dieu, Madame, vous donner bonne santé, très longue vie et un beau filz, comme le désire.
Vre très humble et très obeissante
cousine et servante,
Chrestienne.
À la Reyne.
[MS. State Papers, Foreign, Mary, vol. vi., 351. Public Record Office.]