English Songs and Ballads

My Wife’s a Winsome Wee Thing

She is a winsome wee thing,
She is a handsome wee thing,
She is a bonie wee thing,
This sweet wee wife o’ mine.

I never saw a fairer,
I never lo’ed a dearer,
And neist my heart I’ll wear her,
For fear my jewel tine.

She is a winsome wee thing,
She is a handsome wee thing,
She is a bonie wee thing,
This sweet wee wife o’ mine.

The warld’s wrack, we share o’t,
The warstle and the care o’t;
Wi’ her I’ll blythely bear it,
And think my lot divine.