Annie Laurie
Anonymous
Maxwellton braes are bonnie,
Where early fa’s the dew,
And ’twas there that Annie Laurie
Gied me her promise true;
Gied me her promise true,
Which ne’er forgot shall be,
And for bonnie Annie Laurie,
I’d lay me doon and dee.
Her brow is like the snaw-flake,
Her neck is like the swan,
Her face it is the fairest
That e’er the sun shone on;
That e’er the sun shone on,
And dark blue is her e’e;
And for bonnie Annie Laurie
I’d lay me doon and dee.
Like dew on the gowan lying,
Is the fa’ of her fairy feet;
And like winds in summer sighing,
Her voice is low and sweet;
Her voice is low and sweet,
And she’s a’ the world to me;
And for bonnie Annie Laurie
I’d lay me doon and dee.