3608
Sal ic don ðe bi-foren gon.”
Ebrus ſeigen it waſ michael
Engel ðe ſiðen ledde hem wel.
Moyſes faſtede ſiðen to pligt
3612
xl. daiges and xl. nigt; | |
Oðere tables he brogte eft(.) writen,
And ſunne-bem brigt ſon iſ wliten | Moses received other tables. |
ðat folc on him ne migte ſen
3616
But a veil wore hem bi-twen. | [Fol. 70b.] |
Ðo waſ ðiſ folc frigti and rad
To don al ðat moyſes hem bad;
Offreden him ſiluer and golde,
3620
And oðer metal ſwilc he wolde; | The Israelites offer Moses gold and silver for the tabernacle. |
He it bi-tagte beſſeleel,
And eliab, he maden wel
ðe tabernacle alſ hem was tagt,
3624
Goten and grauen wið witter dragt; | Bezaleel and Aholiab are appointed for the work of the tabernacle. |
.vii. moneð ðor-buten he ben,
And here ſwinc wel he bi-ten;
for ſwilc huſ was ear neuere wrogt,
3628
Ne ſwilc ſafte her on werlde brogt; | Seven months they were about it. |
God it tagte al ear moyſen
Wiſlike hu it wrogt ſulde ben,
Quilc ſrud, quat offrende, quilc lage,
3632
And quat for luue, and quat for age. | God taught Moses the fashion of it. |
Aaron biſſop, oðere of ðat kin,
Sette he hem for to ſeruen ðor-in.
Bokes he wrot of lore wal,
3636
Hu ðiſ folc hem rigt leden ſal,
Betten miſ-dedes, and clene lif
Leden, wið-uten [h]ate and ſtrif. | Aaron and others of his kin were appointed to serve in the tabernacle. |
Twelf moneð forð ben alle cumen,
3640
Or he fro ſynay ben forð numen; | Twelve months passed ere the people departed from Sinai. |
On ðat oðer twentiðe dai,
of ðe oðe[r] moneð tagte he wei;
ðat brigte ſkie bi-foren hem fleg, | [Fol. 71.]
On the twentieth day of the second month (in the second year), |
MS. quil.
MS. twentide.
MS. moned.
MS. flegt.