Better Gutenberg
Free, beautifully formatted public-domain ebooks

Poems and Songs of Robert Burns

by Robert Burns

461 of 536 · Contents · Download EPUB

Pretty Peg

As I gaed up by yon gate-end, When day was waxin’ weary, Wha did I meet come down the street, But pretty Peg, my dearie! Her air sae sweet, an’ shape complete, Wi’ nae proportion wanting, The Queen of Love did never move Wi’ motion mair enchanting. Wi’ linked hands we took the sands, Adown yon winding river; Oh, that sweet hour and shady bower, Forget it shall I never!

← Back to Poems and Songs of Robert Burns

Scroll to Top