VI.
N
NOWELL, nowell, nowell, nowell,
Tydyng gode y thyngke to telle.
The borys hede, that we bryng here,
Betokeneth a prince withoute pere,
Ys born this day to bye us dere,
Nowell.
A bore ys a souerayn beste,
And acceptable in eury feste,
So mote thys lord be to moste and leste,
Nowell.
This borys hede we bryng wt song,
In worchyp of hym that thus sprang
Of a virgyne to redresse all wrong.
Nowell.