II.— Inscription on Monument to Richard Manningham in East Malling Church. 194
Richardus Mannyngham, honesta natus familia, mercaturam juvenis exercuit satis copiosam; ætate provectiore ruri vacavit literis et valetudini, in studiis tam divinis quam humanis eruditus; Latine, Gallice, Belgice dixit, scripsit, eleganter et proprie; nec alieni appetens nec profusus sui, amicos habuit fideliter et benigne, pauperes fortunis suis sublevavit, affines et consanguineos auxit; animi candore, vultus suavitate et gravitate conspicuus; sobrie prudens, et sincere pius. Languido tandem confectus morbo, fide Deum amplexus orthodoxâ, expiravit 25o die Aprilis, anno salutis 1611 et ætatis suæ 72o Desideratus suis, maxime Johanni Mannyngham hæredi, qui monumentum hoc memor mœrensque posuit.