Rhythm in Honour of the Blessed Sacrament, Said to Have Been Composed by S. Thomas on His Death-Bed188
Adoro Te devote, latens Deitas,
Quæ sub his figuris vere latitas;
Tibi se cor meum totum subjicit,
Quia Te contemplans totum deficit.
Visus, tactus gustus, in Te fallitur,
Sed auditu solo tuto creditur;
Credo quidquid dixit Dei Filius,
Nil hoc verbo veritatis verius.
In cruce latebat sola Deitas,
At hic latet simul et humanitas;
Ambo tamen credens atque confitens,
Peto quod petivit latro poenitens.
Plagas, sicut Thomas, non intueor,
Deum tamen meum Te confiteor;
Fac me Tibi semper magis credere,
In Te spem habere, Te diligere.
O memoriale mortis Domini,
Panis vivus, vitam præstans homini,
Præsta meæ menti de Te vivero,
Et Te illi semper dulce sapere.
Pie Pellicane Jesu Domine,
Me immundum munda Tuo Sanguine,
Cujus una stilla salvum facere
Totum mundum quit ab omni scelere.
Jesu Quem velatum nunc aspicio,
Oro fiat illud quod tam sitio,
Ut Te revelata cernens facie,
Visu sim beatus Tuæ gloriæ!
(An Indulgence of 100 days for the recitation of this rhythm. S. Congr. of Indulgences, December 20, 1884.)