The Love Sonnets
Henderson’s Casket Letters.
The “divers fond ballads” referred to in the letter of Elizabeth’s Commissioners of October 11th, 1568, consist of the following “sonnets” in French.
The sonnets are printed from the English edition of Buchanan’s Detection (1571). The lines in italics are translated from the Scots by Professor York Powell.
1. O Dieux ayez de moy compassion,
Et m’enseignez quelle preuue certain{e}
Ie puis donner qui ne luy semble vain{e}
De mon amour & ferme affection.
Las n’est il pas ia en possession
Du corps, du coeur qui ne refuse paine
Ny deshonneur, en77 la vie incertaine,
Offense de parentz, ne pire affliction?78
Pour luy {tous mes} amis estime moins que rien,
Et d{e mes} ennemis ie veux esperer bien.
I’ay hazardé {pour luy} & nom & conscience:
Ie veux pour luy au monde renoncer:
Ie veux mourir pour le fair’79 auancer.
Que reste il plus pour prouuer ma constance?
2. Entre ses mains & en son plein pouuoir,
Je metz mon filz, mon honneur, & ma vie,
Mon pais, mes80 subjectz, mon ame assubiectie
Est tout à luy, & n’ay autre voulloir
Pour mon obiect, que sans le deceuoir
Suiure ie veux, malgré toute l’enuie
Qu’issir en peult, car ie n’ay autre envie
Que de ma foy, luy faire apperceuoir
Que pour tempeste ou bonnace qui face
Iamais ne veux changer demeure ou place.
Brief ie feray de ma foy telle preuue,
Qu’il cognoistra sans faulte81 ma constance,
Non par mes pleurs ou fainte obeyssance,
Come autres font,82 mais par diuers espreuue.
3. Elle pour son honneur vous doibt obeyssance
Moy vous obeyssant i’en puis receuoir blasme
N’estât, à mon regret, comme elle vostre femme.
Et si n’aura pourtant en ce point preeminence
Pour son propre profit83 elle vse de coustance,
Car ce n’est peu d’honneur d’estre de voz biens dame
Et moy pour vous aymer i’en puis receuoir blasme
Et ne luy veux ceder en toute l’obseruance:
Elle de vostre mal n’à l’apprehension
Moy ie n’ay nul repos tant ie crains l’apparence:
Par l’aduis des parentz, elle eut vostre accointance
Moy malgré tous les miens vous porte affection
{Et neanmoins, mon cœur, vous doubtez ma constance}84
Et de sa loyauté prenez ferme asseurance.
4. Par vous mon coeur & par vostre alliance
Elle à remis sa maison en honneur
Elle à jouy par vous de85 la grandeur
Dont tous les siens n’ayent nul asseurance
De vous, mon bien, elle à eu l’ac coinstance,86
Et à gaigné pour vn temps vostre coeur,
Par vous elle à eu plaisir en bon heur,
Et par vous a87 honneur & reuerence,
Et n’a perdu sinon la jouyssance
D’vn fascheux sot qu’elle aymoit cherement,
Ie ne la playns d’aymer donc ardamment,
Celuy qui n’à en sens, ny en vaillance,
En beauté, en bonté, ny en constance
Point de seçond. Ie vis en ceste foy.88
5. Quant vous l’amiez, elle vsoit de froideur.
Sy vous souffriez pour s’amour passion
Qui vient d’aymer de trop d’affection,
Son doy monstroit, a tristesse de coeur
N’ayant plaisir de vostre grand ardeur.
En ses habitz, monstroit sans fiction
Qu’elle n’auoit paour qu’imperfection
Peust l’effacer hors de ce loyal coeur.
De vostre mort ie ne vis la peaur89
Que meritoit tel mary & seigneur.
Somme, de vous elle à eu tout son bien
Et na prisé ne iamais estimé
Vn si grand heur sinon puis qu’il n’est sien
Et maintenant dit l’auoir tant aymé.
6. Et maintenant elle commence à voir
Qu’elle estoit bien de mauuais iugement
De n’estimer l’amour d’vn tel amant
Et voudrait bien mon amy deceuoir,
Par les escriptz tout fardez de scauoir
Qui pourtant n’est en son esprit croissant
Ains emprunté de quelque autheur luissant
A faint tresbien vn ennoy90 sans l’avoir
Et toutesfois ses parolles fardeez,
Ses pleurs, ses plaincts remplis de fictions.
Et ses hautz cris & lamentations
Ont tant gaigné que par vous sont gardéez
Ses lettres {escriptes} ausquellez vous donnez foy
Et si l’aymez & croyez plus que moy.
7. Vous la croyez las trop ie l’apperçoy
Et vous doutez de ma ferme constance,
O mon seul bien & mon seul esperance,
Et ne vous puis ie asseurer de ma foy
Vous m’estimez plus legier que le noy,91
Et si n’auez en moy nul’ asseurance,
Et soupçonnez mon coeur sans apparence,
Vous deffiant à trop grand tort de moy.
Vous ignorez l’amour que ie vous porte
Vous soupçonnez qu’autre amour me trâsporte,
Vous estimez mes parolles du vent,
Vous depeignez de cire mon las coeur
Vous me pensez femme sans iugement,
Et tout sela augmente mon ardeur.
8. Mon amour croist & plus en plus croistra
Tant que je viure &92 tiendray à grandeur,
Tant seulement d’auoir part en ce coeur
Vers qui en fin mon amour paroistra
Sy tres à clair que iamais n’en doutra,
{Pur luy je lutterai contre malheur}93
Pour luy ie veux recercher la grandeur,
Et feray tant qu’en vray cognoistera,
Que ie n’ay bien, heur, ne contentement,
Qu’a l’obeyr & servir loyaument.
Pour luy iattendz toute bonne fortune,
Pour luy ie veux garder sainté & vie
Pour luy vertu de suyure i’ay enuie94
Et sans changer me trouvera tout vne.
9. Pour luy aussi ie jette mainte larme.
Premier quand il se fist de ce corps {posses}seur,
Duquel alors il n’auoit pas le coeur.
Puis me donna vn autre dur alarme
Quand il versa de son sang mainte dragme
Dont de grief il me vint telle95 doleur,
M’en pensay96 oster la vie en frayeur
De perdre la{s} le seul rempar qui m’arme.
Pour luy depuis iay mesprise l’honneur
Ce qui nous peult seul pouruoir de bonheur.
Pour luy hazarde grandeur & conscience.
Pour luy {tous mes} i’ay quité parentz, & amis,
Et tous autres respectz sont apart mis.
Brief de vous seul ie cherche l’alliance.
10. De vous, ie dis, seul soustein de ma vie
Tant seulement ie cerche m’asseurer,
Et si ose de moy tant presumer
De vous gaigner maugré toute l’enuie.
Car c’est le seul desir de vostre {chere} amie,
De vous seruir & loyaument aymer,
Et tous malheurs moins que riens estimer,
{Et} vostre volonté de mon mie{ux} suivie,97
Vous cognoistrez avecque obeyssance
De mon {loyal} deuoir n’omettant la sciance
A quoy ie estudiray pour {tousiours} vous complaire
Sans aymer rien que vous, soubz {la} suiection.
De qui ie veux sans nulle fiction
Vivre & mourir & à ce j’obtempere.
11. Mon coeur, mon sang, mon ame, & mon soucy,
{Las,} vous m’auez promis qu’aurons ce plaisir
De deuiser auecques vous à loysir,
Toute la nuict, ou ie languis icy
Ayant le coeur d’extreme paour transy,
Pour voir absent le but de mon desir
Crainte d’oublir vn coup me vient {a} saisir:
Et l’autre fois ie crains que rendurcie
Soit contre moy vostre amiable coeur
Par quelque dit d’un meschant rapporteur.
Un autre fois ie crains quelque auenture
Qui par chemin detourne mon amant,
Par vn fascheux & nouueau accident.
Dieu detourne tout malheureux augure.
12. Ne vous voyant selon qu’auez promis
I’ay mis la main au papier pour escrire
D’vn different que ié voulu transcrire,
Ie ne scay pas quel sera vostre aduis
Mais ie scay bien qué mieux aymer scaura
Vous diriez bien que plus y gaignera.