De le Zinquanta Cortexie da Tavola — De Fra Bonvexino da Riva
Fra bon Vexino da Riva, che stete in borgo Legniano
De le cortexie da descho ne dixe primano;
De le cortexie cinquanta che se den servare a descho
Fra bon Vexino da Riva ne parla mo’ de frescho.4
La primiera è questa: che quando tu è a mensa,
Del povero bexognoxo imprimamente inpensa;
Che quando tu pasci lo povero, tu pasci lo tó Segnore,
Che te passerà, poxe la toa morte, in lo eternal dolzore.8
La cortexia segonda: se tu sporze aqua alle man,
Adornamente la sporze; guarda no sia vilan;
Asay ghe ne sporze, no tropo, quando el è tempo d’estae;
D’inverno per lo fregio in pizina quantitae.12
La terza cortexia si è: no sì tropo presto
De corre senza parola per asetare al descho;
Se alchun te invida a noxe, anze che tu sie asetato,
Per ti no prende quello axio, d’onde tu fuzi deschazato.16
L’ oltra è: Anze che tu prendi lo cibo aparegiao
Per ti, over per tò mayore, fa sì ch’ el sie segniao.
Tropo è gordo e vilan, e incontra Cristo malegna
Lo quale alli oltri guarda, ni lo sò condugio no segna.20
La cortexia zinquena: sta aconzamente al descho,
Cortexe, adorno, alegro, e confortoxo e frescho;
No di’ sta convitoroxo, ni gramo, ni travachao;
Ni con le gambe in croxe, ni torto, ni apodiao.24
La cortexia sexena: da poy che l’ omo se fiada,
Sia cortexe no apodiasse sovra la mensa bandia;
Chi fa dra mensa podio, quello homo non è cortexe,
Quando el gh’apodia le gambe, over ghe ten le braze destexe.28
La cortexia setena si è: in tuta zente
No tropo mangiare, ni pocho; ma temperadamente;
Quello homo en ch’ el se sia, che mangia tropo, ni pocho,
No vego quentro pro ghe sia al’anima, ni al corpo.32
La cortexia ogena si è: che Deo n’ acrescha,
No tropo imple la bocha, ni tropo mangia inpressa;
Lo gordo che mangia inpressa, e che mangia a bocha piena,
Quando el fisse apellavo, no ve responde apena.36
La cortexia novena si è: a pocho parlare,
Et a tenire pox quello che l’ à tolegio a fare;
Che l’ omo tan fin ch’ el mangia, s’ el usa tropo a dire,
Le ferguie fora dra bocha sovenzo pon insire.40
La cortexia dexena si è: quando tu è sede,
Travonde inanze lo cibo, e furbe la bocha, e beve.
Lo gordo che beve inpressa, inanze ch’ el voja la chana;
Al’ oltro fa fastidio che beve sego in compagnia.44
E la undexena è questa: no sporze la copa al’ oltro,
Quando el ghe pò atenze, s’ el no te fesse acorto;
Zaschuno homo prenda la copa quando ghe plaxe;
E quando el l’ à beudo, l’ à de mete zoxo in paxe.48
La dodexena è questa: quando tu di’ prende la copa,
Con dove mane la rezeve, e ben te furbe la bocha;
Con l’una conzamente no se pò la ben receve;
Azò ch’ el vino no se spanda, con doe mane di’ beve.52
La tredexena è questa: se ben tu no voy beve,
S’ alchun te sporze la copa, sempre la di’ rezeve;
Quando tu l’à receuda, ben tosto la pò mete via;
Over sporze a un’ altro ch’ è tego in compagnia.56
L’ oltra che segue è questa: quando tu è alli convivi,
Onde si à bon vin in descho, guarda che tu no t’ invrie;
Che se invria matamente, in tre maynere offende;
El noxe al corpo e al’ anima, e perde lo vin ch’ el spende.60
La quindexena è questa: seben verun ariva,
No leva in pè dal descho, se grande cason no ghe sia;
Tan fin tu mangi al descho, non di’ moverse inlora,
Per amore de fare careze a quilli che te veraveno sovra.64
La sedexena apresso con veritae:
No sorbilar dra bocha quando tu mangi con cugial;
Quello fa sicom bestia, chi con cugial sorbilia;
Chi doncha à questa usanza, ben fa s’ el se dispolia.68
La desetena apresso si è: quando tu stranude,
Over ch’ el te prende la tosse, guarda con tu làvori
In oltra parte te volze, ed è cortexia inpensa,
Azò che dra sariva no zesse sor la mensa.72
La desogena è questa: quando l’ omo sente ben sano,
No faza onde el se sia del companadego pan;
Quello ch’ è lechardo de carne, over d’ove, over de formagio,
Anche n’ abielo d’avanzo, perzò no de ’l fa stragio.76
La dexnovena è questa: no blasma li condugi
Quando tu è alli convivi; ma dì, che l’in bon tugi.
In questa rea usanza multi homini ò za trovao,
Digando: questo è mal cogio, o questo è mal salao.80
E la XX.ª è questa: ale toe menestre atende;
Entre altru’ no guarda, se no forse per imprende
Lo menistrante, s’ el ghe manca ben de guardà per tuto;
Mal s’ el no menestresse clave e se lovo è bruto.84
La XXI.ª è questa: no mastrulare per tuto
Como avesse carne, over ove, over semiante condugio;
Chi volze, over chi mastrulia sur lo taliere zerchando,
È bruto, e fa fastidio al compagnon mangiando.88
La XXII.ª è questa: no te reze vilanamente;
Se tu mangi con verun d’uno pan comunamente,
Talia lo pan per ordine, no va taliando per tuto;
No va taliando da le parte, se tu no voy essere bruto.92
La XXIII.ª: no di’ metere pan in vino,
Se tego d’un napo medesmo bevesse Fra Bon Vexino;
Chi vole peschare entro vin, bevando d’un napo conmego,
Per meo grao, se eyo poesse, no bevereve consego.96
La XXIIII.ª è: no mete in parte per mezo lo compagnon
Ni grelin, ni squela, se no ghe fosse gran raxon;
Over grelin, over squela se tu voy mete inparte,
Per mezo ti lo di’ mete pur da la toa parte.100
La XXV.ª è: chi fosse con femene sovra un talier mangiando,
La carne a se e a lor ghe debia esser taliata;
Lo homo de’ plu esse intento, plu presto e honoreure,
Che no de’ per raxon la femena agonzente.104
La XXVI.ª è questa: de grande bontà inpensa,
Quando lo tò bon amigo mangia alla toa mensa;
Se tu talie carne, over pesso, over oltre bone pitanze,
De la plu bella parte ghe debie cerne inanze.108
La XXVII.ª è questa: no di’ tropo agrezare
L’amigo a caxa tova de beve, ni de mangiare;
Ben di’ tu receve l’amigo e farghe bella cera,
E darghe ben da spende e consolare voluntera.112
La XXVIII.ª è questa: apresso grande homo mangiando,
Astalete de mangiare tan fin che l’ è bevando;
Mangiando apresso d’un vescho, tan fin ch’ el beve dra copa,
Usanza drita prende; no mastegare dra bocha.116
La XXVIIII.ª è questa: se grande homo è da provo,
No di’ beve sego a una hora, anze ghe di’ dà logo;
Chi fosse a provo d’un vescho, tan fin ch’ el beverave,
No di’ levà lo sò napo, over ch’ el vargarave.120
E la trentena è questa: che serve, abia neteza;
No faza in lo prexente ni spuda, ni bruteza;
Al’ homo tan fin ch’ el mangia, plu tosto fa fastidio;
No pò tropo esse neto chi serve a uno convivio.124
Pox la XXX.ª è questa: zaschun cortese donzello
Che se vore mondà lo naxo, con li drapi se faza bello;
Chi mangia, over chi menestra, no de’ sofià con le die;
Con li drapi da pey se monda vostra cortexia.128
L’ oltra che ven è questa; le toe man siano nete;
Ni le die entro le oregie, ni le man sul cho di’ mete;
No de’ l’omo che mangia habere nudritura,
A berdugare con le die in parte, onde sia sozura.132
La terza poxe la XXX.ª: no brancorar con le man,
Tan fin tu mangi al descho, ni gate, ni can;
No è lecito allo cortexe a brancorare li bruti
Con le man, con le que al tocha li condugi.136
L’ oltra è: tan fin tu mangi con homini cognosenti,
No mete le die in bocha per descolzare li dingi.
Chi caza le die in bocha, anze che l’abia mangiao,
Sur lo talier conmego no mangia per mè grao.140
La quinta poxe la trenta: tu no di’ lenze le die;
Le die chi le caza in bocha brutamente furbe;
Quello homo che se caza in bocha le die inpastruliate,
Le die no én plu nete, anze son plu brute.144
La sesta cortexia poxe la trenta:
S’ el te fa mestere parlà, no parla a bocha plena;
Chi parla, e chi responde, se l’ à plena la bocha,
Apena ch’ el possa laniare negota.148
Poxe questa ven quest’ oltra: tan fin ch’ el compagno
Avrà lo napo alla bocha, no ghe fa domando,
Se ben tu lo vo’ apelare; de zò te fazo avezudo;
No l’impagià, daghe logo tan fin che l’avrà beudo.152
La XXXVIII.ª è questa: no recuntare ree novelle,
Azò che quilli ch’ în tego, no mangiano con recore;
Tan fin che li oltri mangiano, no dì nove angosoxe;
Ma taxe, over dì parole che siano confortoxe.156
L’ oltra che segue è questa: se tu mangi con persone,
No fa remore, ni tapie, se ben gh’ avise raxone;
S’ alchun de li toy vargasse, passa oltra fin a tempo,
Azò che quilli ch’ ìn tego, no abiano turbamento.160
L’ oltra è: se dolia te prende de qualche infirmitade,
Al più tu poy conprime la toa necesitade;
Se mal te senti al descho, no demostrà la pena;
Che tu no fazi recore a quilli che mangiano tego insema.164
Pox quella ven quest’ oltra: se entro mangial vegisse
Qualche sghivosa cossa, ai oltri no desisse;
Over moscha, over qual sozura entro mangial vezando,
Taxe, ch’eli no abiano sghivo al descho mangiando.168
L’ oltra è: se tu porte squelle al descho per servire,
Sur la riva dra squella le porexe di’ tenire:
Se tu apili le squelle cor porexe sur la riva,
Tu le poy mete zoxo in sò logo senza oltro che t’ ayda.172
La terza poxe la quaranta è: se tu sporzi la copa,
La sumità del napo col polexe may no tocha;
Apilia lo napo de soto, e sporze con una man;
Chi ten per altra via, pò fi digio, che sia vilan.176
La quarta poxe la quaranta si è: chi vol odire:
Ni grelin, ni squelle, ni ’l napo no di’ trop’ inplire;
Mesura e modo de’ esse in tute le cosse che sia;
Chi oltra zò vargasse, no ave fà cortexia.180
L’ oltra che segue è questa: reten a ti lo cugiale,
Se te fi tolegio la squella per azonzere de lo mangiale;
Se l’ è lo cugial entro la squella, lo ministrante inpilia;
In tute le cortexie ben fa chi s’ asetilia.184
L’ oltra è questa: se tu mangi con cugial,
No debie infolcire tropo pan entro mangiare;
Quello che fa impiastro entro mangià da fogo,
El fa fastidio a quilli che ghe mangiano da provo.188
L’ oltra che segue è questa: s’ el tò amigo è tego,
Tan fin ch’ el mangia al descho, sempre bochona sego;
Se forse t’ astalasse, ni fosse sazio anchora,
Forse anchora s’ astalarave per vergonza inlora.192
L’ oltra è: mangiando con oltri a qualche inviamento,
No mete entr’ a guayna lo tò cortelo anze tempo;
No guerna lo cortello anze ch’ alo compagno;
Forse oltro ven in descho d’onde tu no fè raxon.196
La cortexia seguente è: quando tu è mangiao,
Fa sì che Jesu Xristo ne sia glorificao.
Quel che rezeve servixio d’alchun obediente,
S’elo no lo regratia, tropo è deschognosente.200
La cinquantena per la darera:
Lavare le man, poy beve dro bon vino dra carera:
Le man poxe lo convivio per pocho pòn si lavae,
Da grassa e da sozura e l’in netezae.204