Better Gutenberg
Free, beautifully formatted public-domain ebooks

Songs and Lyrics of Robert Burns

by Robert Burns

114 of 138 · Contents · Download EPUB

Crowdie Ever Mair

O that I had ne’er been married,
  I wad never had nae care;
Now I’ve gotten wife and bairns,
  An’ they cry “crowdie!” ever mair.

Ance crowdie, twice crowdie,
  Three times crowdie in a day;
Gin ye crowdie ony mair,
  Ye’ll crowdie a’ my meal away.

Waefu want and hunger fley me,
  Glowrin’ by the hallen en’;
Sair I fecht them at the door,
  But aye I’m eerie they come ben.

← Back to Songs and Lyrics of Robert Burns

Scroll to Top