CLXVII The Land o’ the Leal
I’m wearing awa’, John,
Like snaw when its thaw, John,
I’m wearing awa’
To the land o’ the leal.
There’s nae sorrow there, John, 5
There’s neither cauld nor care, John,
The day is aye fair
In the land o’ the leal.
Ye were aye leal and true, John,
Your task’s ended noo, John, 10
And I’ll welcome you
To the land o’ the leal.
Our bonnie bairn’s there, John,
She was baith guid and fair, John;
Oh we grudged her right sair 15
To the land o’ the leal!
Then dry that tearfu’ e’e, John,
My soul langs to be free, John,
And angels wait on me
To the land o’ the leal. 20
Now fare ye weel, my ain John,
This warld’s care is vain, John;
We’ll meet and aye be fain
In the land o’ the leal.
Lady Nairn.